अमळनेरला बारावी वर्गाच्या गुणवंत “सावित्रीच्या लेकीं”चा केला सन्मान!

अमळनेर(प्रतिनिधी) येथील सावित्रीबाई फुले कन्या माध्यमिक व उच्च माध्यमिक विद्यालयाचा बारावी वर्गाचा कला शाखेचा निकाल 95.78 टक्के लागला. या पार्श्वभूमीवर “शाळा- आपल्या दारी” या उपक्रमांतर्गत या गुणवंत “सावित्रीच्या लेकीं”चा आई- वडिलांसह घरी जाऊन सन्मान केला. गुणवंतांना पेढे भरवून हा आनंदाचा क्षण साजरा केला. ग्रामीण भागात अनोख्या पध्द्तीने झालेल्या या सन्मानाने पालक- विद्यार्थी सुखावले आहेत.
येथील सावित्रीबाई फुले कन्या उच्च माध्यमिक विद्यालयात शितल निंबा पाटील (रा.बहादरवाडी) हिने 83.16 टक्के गुण मिळवून प्रथम, दिशा ईश्वर सोनार (रा.इंदापिंप्री)हिने 81.33 टक्के गुण मिळवून द्वितीय, ऋतुजा दिलीप येवले (रा.राजाराम नगर, अमळनेर) हिने 81.16 टक्के गुण मिळवून तृतीय तर नेहा श्याम पाटील (रा.देवगाव-देवळी) हिने 80.83 टक्के गुण मिळवून चतुर्थ क्रमांक मिळविला आहे. या पार्श्वभूमीवर सर्व गुणवंत विद्यार्थिनींचा प्राचार्या गायत्री भदाणे यांच्या हस्ते सन्मान करण्यात आला. यावेळी विद्यालयाच्या जेष्ठ शिक्षिका कल्पना महंत, सुनील पाटील, उमेश काटे, किरण पाटील यांच्या सह पालक निंबा पाटील, रत्ना पाटील, सरला पाटील, नाना पाटील, ईश्वर सोनार, हेमाक्षी सोनार, दिलीप येवले, सुनीता येवले, श्याम पाटील, हर्षदा पाटील, सुरेश पाटील, मिनाबाई पाटील, देवगाव-देवळीच्या सरपंच कल्पनाबाई पाटील, चंद्रभान पाटील, रवींद्र पाटील आदी उपस्थित होते. ज्युनिअर विभागाचे जेष्ठ शिक्षक सुनील पाटील यांनी सूत्रसंचालन केले तर उमेश काटे यांनी आभार मानले. दरम्यान बारावीच्या परीक्षेला प्रविष्ट असलेल्या 95 विद्यार्थिनींपैकी 91 विद्यार्थिनी उत्तीर्ण झाल्या. यात 10 विद्यार्थिनीं ह्या विशेष प्राविण्यासह तर 61 विद्यार्थिनी प्रथम श्रेणीत उत्तीर्ण झाल्या आहेत. संस्थेचे अध्यक्ष तथा माजी केंद्रीय मंत्री विजय नवल पाटील, संस्थेच्या मार्गदर्शिका शिलाताई पाटील, कार्याध्यक्ष अनिकेत पाटील, प्रशासकीय अधिकारी डी.बी. पाटील, शिक्षण मानद संचालक प्रा.सुनील गरुड, प्राचार्य गायत्री भदाणे यांच्यासह सर्व शिक्षक,शिक्षिका, शिक्षकेतर कर्मचारी यांनी अभिनंदन केले आहे.