राष्ट्रीय क्रीडा दिनानिमित्त 29 रोजी अमळनेरला मॅरेथॉन स्पर्धा’
अमळनेर (प्रतिनिधी) प्रजाराज्य न्यूज
राष्ट्रीय क्रीडा दिनानिमित्त सोमवारी (ता. 29) येथील धनदाई कला व विज्ञान महाविद्यालयात सकाळी साडे सातला भव्य मॅरेथॉन स्पर्धेचे आयोजन करण्यात आले आहे. स्वातंत्र्याचा अमृत महोत्सव या उपक्रमांतर्गत कवयित्री बहिणाबाई चौधरी उत्तर महाराष्ट्र विद्यापीठ, जळगाव, धनदाई महाविद्यालयाच्या विद्यार्थी विकास विभाग व क्रीडा विभाग यांच्या संयुक्त विद्यमाने ही स्पर्धा होणार आहे. विजयी प्रथम तिन स्पर्धकांना रोख रक्कम, ट्रॉफी व प्रमाणपत्र तर सर्व सहभागींना प्रमाणपत्र देण्यात येणार आहे. या स्पर्धेचे अंतर पुरूषांसाठी ५ कि.मी. व महिलांसाठी ३ कि.मी. राहील. या उपक्रमासाठी नाव नोंदण्याची अंतिम तारीख २८ ऑगष्ट सायंकाळी ५ वाजेपर्यंत आहे तरी. इच्छुकांनी आपला सहभाग नोंदवावा, असे आवाहन महाविद्यालयाचे प्राचार्य डॉ. प्रमोद पवार यांनी केले आहे.विशेष बाब म्हणजे स्पर्धेत सर्वात प्रथम नोंदणी करणाऱ्या ७५ स्पर्धकांना मोफत टी-शर्ट धनदाई माता एज्युकेशन सोसायटी चे अध्यक्ष प्रा डी डी. पाटील, महाविद्यालय विकास समितीचे चेअरमन के. डी. पाटील व संचालक शैलेंद्र पाटील यांच्यामार्फत देण्यात येणार आहे. अधिक माहितीसाठी महाविद्यालयाचे शारीरिक शिक्षण संचालक डॉ. शैलेश पाटील व विद्यार्थी विकास अधिकारी प्रा. डॉ. भगवान भालेराव यांच्याशी संपर्क साधावा.
About The Author
