आंचळगाव विकास संस्थेची निवडणूक बिनविरोध

भडगाव- आंचळगाव (ता.भडगाव) येथील विविध कार्यकारी सेवा सहकारी संस्थेची सन-२०२२ ते २०२७ या पंचवार्षिक कालावधीसाठी संचालक पदाची सार्वत्रिक निवडणूक बिनविरोध करण्यात आली. यात डॉ. संजीव कृष्णराव पाटील यांची अध्यक्षपदी बिनविरोध निवड करण्यात आली. तर संचालक पदी जयवंतराव हनुमंतराव पाटील, सुभाष यादव पाटील, विश्वनाथ उखा पाटील, संतोष महारु पाटील, बाळू हिरालाल पाटील, शिवाजी उखा पाटील, योगेश भगवान पाटील, लक्ष्मण ओंकार पाटील, धर्मा नारायण पवार, अशोक समरत निकम, रंजना प्रकाश पाटील व शांताबाई रामराव बिडवे यांचीही बिनविरोध निवड करण्यात आली. त्यांच्या या निवडीबद्दल सर्वत्र कौतुक होत आहे. संस्थेच्या माध्यमातून विविध उपक्रम राबवून उत्पन्नाचे स्रोत वाढवले जातील. परिणामी शेतकरी हिताची कामे करून संस्था प्रगतीपथावर नेणार असल्याचे नूतन पदाधिकाऱ्यांनी सांगितले.