डी. ए. धनगर राज्यस्तरीय जीवनगौरव पुरस्काराने सन्मानित

अमळनेर (प्रतिनिधी) औरंगाबादच्या बोधी ट्री एज्युकेशनल फाऊंडेशनतर्फे राज्यातील ३४ शिक्षकांना प्रतिष्ठेचा मानला जाणारा राज्यस्तरीय जीवनगौरव वितरण करुन, सन्मान केला. यात येथील साने गुरुजी नूतन माध्यमिक विद्यालयाचे उपक्रमशिल शिक्षक डी.ए.धनगर यांचा समावेश आहे. विशेष म्हणजे जळगांव जिल्हयातून ते एकमेव पुरस्कारार्थी आहेत.
जेष्ठ साहित्यिक बाबा भांड यांच्या हस्ते डी ए धनगर याना राज्यस्तरीय जीवन गौरव पुरस्कार देण्यात आला. यावेळी खासदार प्रा. डॉ सुनील गायकवाड, रामदास वाघमारे, वाय एम नायदे, योगिता बाविस्कर, जिज्ञासा सांगोरे व प्रतिमा धनगर उपस्थित होते.श्री. धनगर यांनी आपल्या वीस-बावीस वर्षाच्या ज्ञानदानाच्या कार्यात गणितासारखा अवघड विषय ते विद्यार्थ्यांना लीलया समजून देतात. त्यांचे अनेक उपक्रम गणेशोत्सवात गणिती आरास, गणितात राबवलेला चालता-बोलता उपक्रम, कृतीयुक्त गणित, सेल्फी चा फंडा, पाढे म्हणा व व्हाट्सअप वर टाका, गणिती रांगोळी, त्रिमित सूत्रांकुर, सचिन तेंडुलकर ला पत्र आदी अनेक प्रयोग त्यांनी केलेले आहेत. तसेच आर एम एस ए अंतर्गत आय आय टी पव‌ई मुंबईच्या वतीने झालेल्या प्रशिक्षणात ते प्रमाणपत्र धारक राज्यस्तरीय सुलभक आहेत. शैक्षणिक कामासोबतच त्यांचे सामाजिक काम सुद्धा वाखाणण्याजोगे आहे. पर्यावरण समृद्धी साठी वृक्ष लागवड, कोरोना निर्मूलनासाठी केलेले प्रयत्न, कोरोना काळात केलेली जनजागृती, सामाजिक सलोखा राखण्यासाठी केलेले प्रयत्न, तरुणांसाठी स्पर्धा परीक्षेचे मार्गदर्शक, समुपदेशन, हागणदारी मुक्तीसाठी गावखेड्यात केलेले प्रयत्न, कृषी उत्पन्न बाजार समिती येथे संचालक पदावर असताना केलेले काम, प्रशिक्षणात राबवलेली क्यू आर कोड हजेरी असे एक ना अनेक कामे त्यांनी केलेली आहेत. त्यांना प्रतिष्ठेचा जीवन गौरव पुरस्कार जाहीर झाल्याबद्दल त्यांचे सर्वत्र अभिनंदन होत आहे.