ग्रामिण भागात शेतीपंपाचा वीजपुरवठा खंडित होण्याचा प्रश्न सोडविणार !-आ.अनिल पाटील

अमळनेर (प्रतिनिधी) तालुक्यातील ग्रामिण भागातील मौजे ढेकु, हेडावे, सारबेटे, संदरपट्टी, एकरुखी, जुनोणे, सडावण, रामेश्वर, पळासदळे, खोकरपाट, बहादरवाडी आणि परिसरातील गावातील शेती पंपाचा विद्युत पुरवठा वारंवार खंडीत होत असल्याने शेतकरी बांधवाच्या शिष्टमंडळाने आमदार अनिल पाटील यांच्याकडे धाव घेऊन निवेदन दिले.
यावेळी आमदारांनी वरील सर्व गावांच्या शेतकरी बांधवांच्या व्यथा जाणून घेत महावितरण च्या वरिष्ठ अधिकाऱ्यांशी चर्चा केली व लवकरच हा प्रश्न सोडवून शेतकरी बांधवाना दिलासा दिला जाईल अशी ग्वाही दिली.दरम्यान यावेळी शेतकरी बांधवानी आमदारांना निवेदन दिले,यात म्हटले आहे की आमचे शेतकर्‍यांच भांडवल व पोट भरण्याचे साधन म्हणजे शेती असून शेती करण्यासाठी पाण्यासाठी विजेची गरज पडते. विद्युत वितरण मंडळाने आम्हाला 8 तास विज
पुरविण्याचे सांगीतले आहे. परंतु दिवसातुन मागुन 2 ते 3 तास विद्युत पुरवठा केला जातो. के.व्ही विद्युत पुरवठा डीम असतो, सिंगल फेज असते. लाईट पुन्हा-पुन्हा
जा-ये करते. त्यामुळे काबाळकष्ट करुन मेहनतीने उभे केलेले पिक तोंडाशी घास देवून देखील मिळत नाही.
तरी सदर विद्युत पुरवठा सुरळीत करण्यात यावा.आणि आम्हाला योग्य ता न्याय मिळावा अशी विनंती यात करण्यात आली आहे.
सदर निवेदनाच्या प्रती महावितरण च्या सर्व वरिष्ठ अधिकाऱ्यांनाही देण्यात आल्या आहेत.सदर शिष्टमंडळात प्रा.सुरेश पाटील (उपसरपंच एकरुखी), डॉ.किरण अमृत पाटील (ढेकु), संदेश गंभीरराव पाटील (ढेकु- माजी पं.स.सदस्य), निळकंठ सोनु पाटील (ढेकुसिम), बाळू नथ्थु पाटील (रामेश्वर), युवराज दोधु पाटील (सारबेटे), इब्राहम हतिफ (सारबेटे),
रज्जब खा इस्माईल खा (सरपंच सारबेटे बु ), हरून खा मुमताज खा (ग्रां.प.सदस्य सारबेटे), भैय्यासाहेब वाल्मिक पाटील (रढावन), विश्वास गजानन पाटील (रढावन), अधिकार हिम्मत पाटील (रढावन), लोटण नामदेव पाटील (एकरुखी), पंकज लहु पाटील (रढावन), प्रविण शिवाजी पाटील (सारबेटे), गणेश हेमराम वंजारी (सारबेटे), भास्कर आप्पा पाटील (सुंदरपट्टी), अशोक आनंदराव पाटील (सडावण मा.सरपंच), नितिन आधार पाटील, महारू आत्माराम पाटील उपस्थित होते.