27 रोजी अमळनेर तालुक्यातील ग्रामीण भागात भव्य रोजगार मेळाव्याचे आयोजन!
अमळनेर (प्रतिनिधी) सध्याच्या आधुनिक युगात शिक्षण मिळतं परंतु रोजगार संधी उपलब्ध होतं नाही. मुला-मुलींना रोजगार संधी उपलब्ध व्हावी, याकरिता 27 डिसेंबर, सोमवार रोजी माता बिजासनी अनुदानित आश्रम शाळा अंतुर्ली- रंजाणे तालुका अमळनेर जिल्हा जळगाव येथे रोजगार मेळाव्याचे आयोजन करण्यात आले आहे.
सदरचा मेळावा अमळनेर मतदारसंघाचे आमदार अनिल भाईदास पाटील व जि.प.सदस्या जयश्री अनिल पाटील यांच्या मार्गदर्शनाखाली सुभाषराव पोपटराव पाटील माजी सरपंच अंतुर्ली- रंजाणे,प्राध्यापक नरेंद्र राजाराम सोनवणे (माजी प्राथ जि.अध्यक्ष ) अंतुर्ली,सचिन बाळू पाटील तालुकाध्यक्ष राष्ट्रवादी काँग्रेस अमळनेर, राजेश सुभाषराव पाटील अंतुर्ली यांच्या आयोजनाने व सौजन्याने हा मेळावा भरविला जात आहे.
सदरच्या भव्य रोजगार मेळाव्यास मोठ्या प्रमाणात मुलां-मुलींनी सहभाग नोंदवावा असे आवाहन ही आयोजकांनी केले आहे. या मेळाव्यात शैक्षणिक पात्रता- १०वी /१२ वी ग्रॅज्युएट /,आयटीआय ट्रेड / डिप्लोमा इंजीनियरिंग असणार आहे.तसेच नोंदणी व ट्रेनिंगसाठी आधार कार्ड, पॅन कार्ड, मतदान कार्ड ,बँक पासबुक ,व्हॅक्सिन सर्टिफिकेट ,शैक्षणिक कागदपत्रे, पासपोर्ट फोटो ४ ही कागदपत्रे आवश्यक राहतील असे आयोजकांनी नमुद केले आहे.
About The Author
