ग्रामरोजगार सेवक युनियनच्या उपोषणाची अमोल पाटील यांच्या मध्यस्थीने सांगता

पारोळा (प्रतिनिधी) आज महाराष्ट्र राज्य ग्रामरोजगार सेवक युनियन,जळगांव जिल्हा पारोळा तालुक्याचा वतीने ग्रामरोजगार सेवक युनियन (संघटना) यांच्या विविध मागण्यांसह न्यायिक समस्यांबाबत उपोषण करण्यात आले होते. यासमयी पारोळा कृषि उत्पन्न बाजार समितीचे सभापती तथा जळगांव जिल्हा बँकेचे संचालक अमोल पाटील यांनी सदरील मागण्या व समस्यांचा आमदार चिमणराव पाटील यांच्या माध्यमाने शासन स्तरावर योग्य तो पाठपुरावा करून मार्गी लावण्यात येतील तसेच या मागण्यांसाठी मी आपल्यासोबत असल्याचे सांगत ठोस आश्वसन दिले व गटविकासअधिकारी अधिकारी यांच्या लेखी आश्वासनाने अमोल पाटील यांनी मध्यस्थी करत उपोषणाची सांगता करण्यात आली. याप्रसंगी तालुकाप्रमुख प्रा.आर.बी.पाटील, गटविकास अधिकारी विजय लोंढे, उपशहरप्रमुख भुषण भोई, शेतकी संघाचे मा.चेअरमन डाॕ.राजेंद्र पाटील, युवासेना उपतालुकाप्रमुख समाधान मगर, विलास वाघ, अनिल पाटील व तालुक्याभरातील रोजगार सेवक उपस्थित होते.