यावल शहरातील लेआउट धारकांकडून कोणत्याही सोयीसुविधा उपलब्ध न देता प्लॉट विक्री; प्रांताधिकारी यांनी घेतली तक्रारीची दखल

यावल (प्रतिनिधी)सुनिल गावडे
यावल शहरातील ले-आउट धारकांनी कोणत्याही सोई सुविधा उपलब्ध करून न देता प्लॉट विक्री केले, शासनाच्या नियम आणि अटी शर्ती चे उल्लंघन करून व यावल शहराच्या लगत असलेल्या कॉलनी भागात नाल्यात अनधिकृत बांधकाम करून यावल नगरपरिषदेकडून अर्थपूर्ण दुर्लक्ष झाल्याने सोयी सुविधा अभावी नागरिकांना मोठा मनस्ताप सहन करावा लागत असून अनेक समस्यांना सामोरे जावे लागत आहे, ज्या विकासकांनी आपल्या लेआउट मध्ये जिल्हाधिकारी जळगाव तसेच नगर रचना विभाग जळगाव यांच्या आदेशाची पायमल्ली केलेली आहे यांची चौकशी करून दंडात्मक फौजदारी कारवाई करावी अशी तक्रार मागणी राजेश कडू महाजन राहणार यावल यांनी उपविभागीय अधिकारी फैजपूर भाग यांच्याकडे केली होती त्या अनुषंगाने फैजपूर भाग उपविभागीय अधिकारी यांनी या तक्रारीची दखल घेत यावल नगरपरिषद मुख्याधिकारी यांना पत्र देऊन सखोल चौकशी करून योग्य ती कारवाई करण्यात यावी असे कळविले आहे.
उपविभागीय अधिकारी फैजपुर यांच्याकडे दिलेल्या तक्रार अर्जात राजेश महाजन यांनी म्हटले आहे की,यावल नगरपरिषद हद्दीतील लेआउट धारकांनी शासनाच्या सर्व नियम व अटी शर्तीचे आदेशाचे उल्लंघन करून तसेच शहरालगत असलेल्या सरकारी नाल्यात शासकीय जमीन हडप करून अतिक्रमण करून अनधिकृतरीत्या भिंतीचे बांधकाम करून एनए ऑर्डर प्रमाणे अभिन्यासातील रस्ते गटारी जलवाहिन्या रस्त्यालगतचे पथदिवे महाराष्ट्र शासन नियमाप्रमाणे हेक्‍टरी 500 वृक्षलागवड तसेच ओपन स्पेस जागेला कंपाउंड करून विकसित करणे एनए ऑर्डर प्रमाणे प्लॉट विक्रीच्या आधी सर्व सुखसोई उपलब्ध करणे कायद्याने बंधनकारक आहे परंतु यावल नगरपरिषद हद्दीतील ले-आउटधारकांनी सुविधा उपलब्ध करून न देता अनेक विकासकांनी हजारो प्लॉट विक्री केलेले आहे आणि काही प्लॉटची आज सुद्धा विक्री सुरू केली आहे.
भूखंड विक्री सुरू करण्यासाठी यावल नगर परिषद यांची अंतिम मंजुरी गरजेची असताना यावल न.पा.ने सुविधा नसताना व नाल्यांमध्ये अनधिकृत पुलाचे बांधकाम असताना अंतिम मंजुरी कोणत्या नियमांनी दिली त्याची चौकशी व्हावी मागील काही महिन्यांमध्ये यावल नगरपालिकेने नवीन वसाहतीमध्ये3कोटी65लक्ष रुपये अशी पाण्याची पाईपलाईन केली तरी मागील विकासकांनी जर का पाईप लाईन चे काम पूर्ण करून दिले असते तर आज3कोटी65लाख रुपये शासनाचे खर्च झाले नसते म्हणून यांची चौकशी व संबंधित अधिकाऱ्यांवर आणि विकासकांवर कायदेशीर कारवाई करावी अशी मागणी राजेश कडू महाजन यांनी केली आहे.उपविभागीय अधिकारी फैजपुर यांच्याकडील पत्राची दखल घेत यावल नगर परिषद काय कारवाई करते याच्याकडे सर्वांचे लक्ष लागून आहे