ग्रामीण रुग्णालयास व आरोग्य विभागास आमदार स्थानिक विकास निधीतून 10 लाखांचे साहित्य!

▶️ कोरोनाची तिसरी लाट थोपविण्याची तयारी
अमळनेर (प्रतिनिधी) कोरोनाची तिसरी लाट थोपविण्याची तयारी सुरू झाली असून या पार्श्वभूमीवर
ग्रामीण रुग्णालयास व आरोग्य विभागास आमदार स्थानिक विकास निधीतून 10 लाखांचे साहित्य तालुका आरोग्य विभाग आणि ग्रामीण रुग्णालय पालिका रुग्णालय यांच्याकडे आमदार अनिल पाटील यांनी सुपूर्द केले असून आतापर्यंत आमदार स्थानिक विकास निधीतून यात एक कोटी रुपयांचा निधी कोरोनावर खर्च झाला आहे.
यावेळी कोविड 19 अँटीजेन चाचणीसाठी शहरी भागासाठी 6 लाख व ग्रामीण भागासाठी 4 लाख एकुण 10 लाख चाचणी किटस् उपलब्ध करुन देण्यात आलेले आहेत. त्यापैकी शहरी भागासाठी
एकुण 67000 अँटिजेन किटस् आमदार अनिल भाईदास पाटील यांच्याहस्ते पालिका मुख्याधिकारी डॉ विद्या गायकवाड यांना ग्रामीण रुग्णालय येथे सुपूर्द करण्यात आले.
तालुका आरोग्य अधिकारी डॉ गिरीश गोसावी, ग्रामीण रुग्णालयाचे अधीक्षक डॉ प्रकाश ताळे, पालिका प्रशासन अधिकारी संजय चौधरी, पालिका रुग्णालयाचे वैद्यकीय अधिकारी डॉ विलास महाजन, डॉ आशिष पाटील, डॉ अतुल चौधरी विनोद कदम, प्रविण (भटु) पाटील, सचिन पाटील, ज्ञानेश्वर कुमावत, सुहास कोतकर आदी उपस्थित होते.
अमळनेर तालुक्यात पहिली लाट संपली मात्र दुसरी लाट तीव्र स्वरूपात होती ती पाहता अनेक जण एकाच वेळी रुग्णालयात दाखल होते शहरातील ग्रामीण रुग्णालय, इंदिरा भवन अशा ठिकाणी वाढीव सोय करण्यात आली होती.तरीही दवाखाने फुल्ल होते. ऑक्सिजन सुविधा बेड, तपासणी साहित्य, यासह विविध साहित्य आमदार स्थानिक विकास निधी, पालिका, दातृव देणाऱ्या विविध संस्था, लोकप्रतिनिधी यांच्या माध्यमातून मोठ्या प्रमाणावर सहकार्य मिळाले इतर साहित्य आमदार निधी यांच्या माध्यमातून उपलब्ध करून दिले गेले.सर्व शासकीय वैद्यकीय अधिकारी, शासकीय डॉक्टर्स आरोग्य कर्मचारी, पालिका कर्मचारी त्यामुळे तालुक्यात कोरोनाची दुसरी लाट थोपविण्यात यश आले. आता तिसरी लाट येऊ नये यासाठी पुढील संभाव्य तिसरी लाटेचे संकेत लवकर मिळु शकतात व वेळेत उपाय योजना करुन साथ आजार वेळीच प्रतिबंध करता शक्य होते. त्यामुळे अँटीजेन किटचा पुरवठा सद्यास्थितीला महत्वाचा आहे.
शहरी भागात दररोज स्टेट बँके जवळ, खाजगी प्रवासी बसेस थांब्यावर(कलागुरु मंगल कार्यालय जवळ), ग्रामीण रुग्णालय, रेल्वे स्टेशन येथे तसेच फिरत्या पथका कडुन बालेमिया, तिरंगा चौक येथे अँटीजेन चाचण्या टेस्टीग केल्या जात आहे.