फापोरे खु.जवळ बोरी नदीवर अजून साठवण बंधारा मंजूर;आ.अनिल पाटील यांच्या हस्ते भूमीपूजन

अमळनेर (प्रतिनिधी) तालुक्यातील फापोरे बु ग्रामस्थांच्या मागणीला प्रतिसाद देत आमदार अनिल भाईदास पाटील यांच्या प्रयत्नातून बोरी नदीवर मृद व जलसंधारणा विभाग महामंडळ अंतर्गत फापोरे खु. गावाजवळ अजून एक साठवण बंधारा मंजूर करण्यात आहे.
या बंधाऱ्यास 1 कोटी 30 लाख रुपये निधी मंजुर झाला असून फापोरे बु. येथील गावकऱ्यांच्या उपस्थित आमदार अनिल भाईदास पाटील यांनी भूमीपूजन केले. तसेच या अगोदर हिंगोणे गावाजवळ काम सुरू असलेल्या साठवण बंधारा देखील पूर्ण झाला असून निधी वर्ग होणे बाकी आहे. तरी या साठवणा बंधाऱ्याचा येणाऱ्य काळात बोरी काठावरील गावांना मोठ्या प्रमाणात फायदा होईल व पुन्हा बोरी परिसर सुजलाम सुफलाम होईल अशी आशा परिसरातील गांवामधील नागरिक व्यक्त करित आहेत. ह्या कार्यक्रम प्रसंगी राष्ट्रवादीचे सुरेश पाटील, एल टी पाटील, तसेच फापोरे येथील जेष्ठ नागरीक भालेराव पाटील, बाबुराव पाटील, बाळासाहेब पाटील, राजू दादा फापोरेकर, प्रताप पाटील, प्रकाश पाटील, सुरेश पाटील, जितेंद्र पाटील, उपसरपंच दिनेश पाटील ग्रा.पं सदस्य नरेंद्र पाटील, अनिल पाटील, भिकाजी पाटील, गणेश पाटील, शिवराम गायकवाड आदी तरुण वर्ग मोठ्या प्रमाणात उपस्थित होते.