“मास्क सेल्फी कॅम्पेनचे” आमदार अनिल पाटील यांच्या हस्ते शुभारंभ.
अमळनेर (प्रतिनिधी) कोरोनाचा सामना करण्यासाठी राबविण्यात येणार्या विविध उपक्रमांचा भाग म्हणून मनोजालय फाउंडेशन, बहादरपूर यांच्या मार्फत N 95 मास्क वाटप करत “मास्क सेल्फी कॅम्पेन” अभियान राबविण्यात येत असुन या अभियानाचा शुभारंभ अमळनेर विधानसभा मतदारसंघाचे आमदार अनिल भाईदास पाटील यांनी मास्क घालून सेल्फी घेत सहभाग नोंदविला.
कोरोना काळात योगदान देणारी मनोजालय फाउंडेशन यांचे कार्य व राबविण्यात येत असलेले अभियान खरंच वाखाणण्याजोगे व प्रेरणादायी असल्याचे मत व्यक्त करत आमदारांनी अभियानचे कौतुक केले. दुसर्यांकडून आपल्याला आणि आपल्याकडून दुसऱ्यांना कोरोनाचे संक्रमण होणार नाही त्यासाठी प्रत्येकाने तोंडाला मास्क लावणे अत्यावश्यक असल्याचे मत आमदार पाटील यांनी मांडले.
मनोजालय फाउंडेशनचे अध्यक्ष विजय मिस्तरी यांनी पंचवीस हजार मास्कचे वाटपाचे संकल्प केला असल्याचे सांगितले. तर राज्य समन्वक मंत्रालय प्रवीण सुतार यांनी सोशल डीस्टसिंग बाबत मार्गदर्शन केले व आमदारांशी मनरेगा कामांबाबत चर्चा केली. यावेळी पारोळा पंचायत समितीचे माजी उपसभापती चंद्रकांत पाटील, गोपाल पाटील, राज्य समन्वयक मंत्रालय प्रविण सुतार, मनोजालय फाउंडेशनचे अध्यक्ष विजय मिस्तरी, गोकुळ चौधरी, सरपंच भिकन पारधी, उपसरपंच परेश चौधरी, ग्रामपंचायत सदस्य राजेंद्र वाणी, योगेश पाटील, सुनील वाणी, किरण पवार, त्रंबक कुलकर्णी, राजेंद्र चौधरी, निंबा भोई, प्रभाकर भोई आदी उपस्थित होते.
About The Author
